Х.Нямбаатар: Надад Ерөнхий сайд болох бодол санаа байхгүй

Монгол Улсын 32,33 дахь Ерөнхий сайд Л.Оюун-Эрдэнэ огцрох тухай мэдээлэл гарснаас хойш дараагийн Ерөнхий сайд хэн бэ? гэх таамаг хэвлэл мэдээллийн хэрэгсэл, сошиалд өрнөж байна. Тэгвэл цахим орчинд "Хотын дарга Х.Нямбаатар Ерөнхий сайд болно" гэх мэдээлэл цацагдаад байгаа юм. Энэ асуудалд хотын дарга Х.Нямбаатар тайлбар хийж “Энэ ч Ерөнхий сайд, тэр ч Ерөнхий сайд болно гэж олон түмнийг төөрөгдүүлэхээ болимоор юм. Надад ямар ч тийм бодол санаа байхгүй. Нийслэлд эхлүүлсэн ажлынхаа үр дүнг харчих санаатай ажиллаж байна” гэж твиттертээ жиргэлээ.