Монголд аялж байхдаа унадаг дугуй, бичиг баримтаа хулгайд алдсан гадаадын иргэний эд зүйлсийг олж, хүлээлгэн өгчээ

Дэлхийг тойрон аялж байсан Caleb Heiner Монгол Улсад аялах явцдаа унадаг дугуй, бичиг баримт зэрэг эд зүйлсээ хулгайд алдсан гэх мэдээлэл цахим орчинд цацагдсан.

Энэ талаар ЦЕГ-аас тодруулахад "Хэргийг илрүүлж, эд зүйлийг нь хүлээлгэж өгсөн" гэх мэдээллийг өглөө. Дугуйтай аялагч Caleb Heiner нь Хөвсгөл аймагт аялах явцдаа эд зүйлсээ алдсан бөгөөд дугуйн дээр нь паспорт, майхан, хувцас гээд шаардлагатай бүх зүйлс нь байжээ.