Б.Чойжилсүрэн: 10 аймагт ДЦС барих Солонгосын “Бьюксан Инженеринг“ компани дампуурсан

УИХ-ын чуулганы үдээс хойшх хуралдаанаар “Эрчим хүч-3 төсөл”-ийг хэрэгжүүлэх Монгол Улс, Олон улсын сэргээн босголт, хөгжлийн банк хоорондын Зээлийн хэлэлцээрийг соёрхон батлах тухай хуулийн төслийг соёрхон батлах асуудлыг хэлэлцэж эхэлсэн юм.

Энэ үеэр Эрчим хүчний сайд Б.Чойжилсүрэн "10 аймагт ДЦС барих Солонгосын "Бьюксан Инженеринг" компани дампуурсан. Чадвар муутай компани шалгараад ийм байдалд хүрсэнд ХАРАМСАЛТАЙ байна. Солонгосын ЭКСИМ банкны зээлээр санхүүжсэн учраас Солонгос компаниудын дунд тендер зарлаж, 2021 онд энэ компани шалгарсан. Ковид гэх мэт шалтгааны улмаас хүндэрч явсаар байгаад дампуурсан" гэлээ.