Энэ мэдээ хуучирсан буюу 2025/05/30-нд нийтлэгдсэн мэдээ болно.
“Төгрөг нуурын орд“-ын асуудалд холбогдсон УИХ-ын гишүүн Х.Баттулга ГАДААД ТОМИЛОЛТТОЙ хэвээр байна
50
Төв аймгийн Баян сумын нутаг дахь "Төгрөг нуурын орд"-ыг гадаадын компаниудад 250 сая ам.доллараар зарсан гэх хэрэгт холбогдсон УИХ-ын гишүүн Х.Баттулга өнөөдрийг хүртэл УИХ-ын чуулганы хуралдаанд оролцоогүй, албан ёсны мэдэгдэл ч хийгээгүй байгаа юм.
Одоогоос 14 хоног орчмын өмнө өөрийн цахим хуудаснаа "Надад болон миний хамаарал бүхий хэн нэгэнд "Төгрөг нуурын орд"-ын лиценз байхгүй. Хэрвээ байсан тохиолдолд ямар ч эргэлзээгүйгээр Монголын ард түмэн, Монголын төрд өгнө" гэх постыг нийтэлсэн байдаг.
Үүнээс хойш УИХ-ын чуулганы хуралдааны ирцэд "ЭМНЭЛГИЙН ЧӨЛӨӨТЭЙ" эсвэл "ГАДААД ТОМИЛОЛТТОЙ" гэж бүртгүүлсээр байгаа юм. Тэрбээр мөн хамгийн сүүлд АТГ-т өмгөөлөгчийн хамтаар 4 цаг мэдүүлэг өгсөн талаар бид мэдээлж байсан.
