Х.Нямбаатар: Наймдугаар сарын 20 гэхэд 1-р хорооллын арын замаас бусад замын ажлууд дуусна. Ойрын 8-9 жил эдгээр замд дахиж гар хүрэхгүй

Нийслэлийн удирдах ажилтнуудын ээлжит шуурхай зөвлөгөөний үеэр нийслэлийн Засаг дарга Х.Нямбаатар Улаанбаатар хотын зам засвар, шинэчлэлийн ажилтай холбоотой мэдээлэл өгч, албаныханд үүрэг болголоо.

Тухайлбал, тэрбээр "Наймдугаар сарын 20 гэхэд 1-р хорооллын арын замаас бусад замын ажлууд дуусна. Учир нь тус замыг дэлхийн банкны санхүүжилтээр шинэчилж байгаа. Улаанбаатар хот ойрын 8-9 жил эдгээр замд дахиж гар хүрэхгүй. Харин ирэх жил Сонсголон, Гачуурт, зуслангийн зам зэрэг үлдсэн 10 орчим замыг л хучна. Мөн Туулын хурдны зам, Тойрог зам зэрэг хоёрдугаар түвшний замуудаа барьж эхэлнэ" гэв.