“Ланд-80” загварын автомашин онхолдсоны улмаас жолооч нь хавчуулагдсан байсныг гаргаж, эмнэлэгт эсэн мэнд хүргэжээ

Сүхбаатар аймгийн Сүхбаатар сум, Шинэбулаг баг /аймгийн төвөөс зүүн хойд зүгт 9 км/-ийн нутагт суудлын автомашин онхолдож, жолооч нь автомашинаасаа гарч чадахгүй байна гэх дуудлага өчигдөр /08.27/ 11:00 цагт Онцгой байдлын байгууллагад иржээ.

Тус аймгийн Онцгой байдлын газрын Эрэн хайх, аврах салбарын алба хаагчдыг очиход, “Тоёота ландкруйзер 80” загварын суудлын автомашин онхолдож, жолооч М /42 настай, эрэгтэй/ автомашиныхаа жолооны хүрд болон суудлын завсар хавчуулагдсан байсныг 7 минут ажиллан гаргаж, аймгийн Нэгдсэн эмнэлэгт эсэн мэнд хүлээлгэн өгсөн байна.