Ж.Сүхбаатар, Г.Эрдэнэбат нарыг ҮХЦ-ийн гишүүнээр томиллоо
УИХ-ын даргаас санал болгосны дагуу УИХ-ын гишүүн асан Ж.Сүхбаатар, УИХ-ын Тамгын газрын дэд дарга Г.Эрдэнэбат нарыг ҮХЦ-ийн гишүүнээр томилох саналыг ХЗБХ, ТББХ-ны хуралдаанаар хэлэлцэн дэмжсэн. Тодруулбал, ТББХ-ны 85.7 хувь, ХЗБХ-ны 75 хувийн саналаар дэмжсэн юм.
Улмаар өчигдөр орой чуулганы нэгдсэн хуралдаанаар хэлэлцсэн бөгөөд томилох эсэх санал хураалтыг өнөө өглөө явуулахаар болж хойшлуулсан. Тэгвэл өнөөдөр чуулганы хуралдаанаар санал хураалт явуулахад, гишүүдийн 84 хувь нь дэмжсэнээр тогтоолын төсөл батлагдлаа. Нэр дэвшигчдийн товч намтар, ажлын туршлагаас танилцуулбал:
Ж.Сүхбаатарын ТӨГССӨН СУРГУУЛЬ, МЭРГЭЖИЛ
1993 онд - Дархан хотын 3 дугаар дунд сургууль
1997 онд - МУИС-ийн Хууль зүйн сургууль, эрх зүйч
1999 онд - МУИС-ийн Хууль зүйн сургууль, “Төсвийн эрх зүй санхүүгийн эрх зүйн нэг дэд салбар болох нь” сэдвээр хууль зүйн ухааны магистр
АЖИЛЛАСАН БАЙДАЛ
1997-2005 онд - Улаанбаатар-Эрдэм дээд сургуульд захиргааны эрх зүйн багш, ахлах багш
1997-1999 онд - УИХ-ын гишүүний туслах
1999-2001 онд - УИХ дахь МАХН-ын бүлгийн ажлын албанд хуулийн бодлогын зөвлөх
2001-2006 онд - Сонгуулийн ерөнхий хорооны гишүүн-нарийн бичгийн дарга
2006-2008 онд - Засгийн газрын Хэрэг эрхлэх газрын Тэргүүн дэд дарга
2008-2012 онд - Монгол Улсын Их Хурлын гишүүн, Төрийн байгуулалтын байнгын хорооны дарга
2012-2013 онд - МАН-ын Удирдах зөвлөлийн гишүүн-нарийн бичгийн дарга
2016 онд - МАХН-ын Ерөнхий нарийн бичгийн дарга
2019-2020 онд - Улсын Их Хурлын даргын ахлах зөвлөх
2020-2024 онд - Монгол Улсын Их Хурлын гишүүн
2022-2023 онд - Монгол Улсын Засгийн газрын гишүүн-Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны даргаар тус тус ажилласан.
Г.Эрдэнэбатын Ажилласан байдал:
1994-1995 онд Хилийн цэргийн офицер
1995-1997 онд БХИС-ийн багш
1997-2000 онд ХЦУГ-ын Захиргаа удирдлагын газарт хуулийн зөвлөх
2000-2009 онд МУИС-ийн Хууль зүйн сургуульд багш
2009-2010 онд Монгол Улсын Ерөнхийлөгчийн Тамгын газарт Ерөнхийлөгчийн хуулийн асуудал хариуцсан туслах
2010-2013 онд Улсын Ерөнхий прокурорын газрын Ял эдлүүлэх ажиллагаанд тавих хяналт хариуцсан прокурор
2013-2019 онд Улсын ерөнхий прокурорын орлогчоор томилогдон ажилласан.
2021 оноос УИХ дахь Ардчилсан намын бүлгийн Ажлын албаны хуулийн зөвлөх, УИХ-ын дэд даргын зөвлөх
2026 оноос УИХ-ын Тамгын газрын дэд даргаар ажилласан.
