Яллагдагчаар татан шалгагдаж буй Ж.Соронзон ХИЛ ДАВЖЭЭ

БШУЯ-ны харьяа Монгол-Оросын хамтарсан 3-р сургуулийн захирал асан Ж.Соронзонг яллагдагчаар татан шалгаж байгаа. Тодруулбал, түүнийг албан тушаалын эрх мэдлээ урвуулан ашиглаж, өөрийнхөө төрсөн дүү Ж.Содбилэгттэй түрээсийн гэрээ байгуулах замаар сургуулийнхаа данснаас 5.8 тэрбум төгрөгийг шилжүүлсэн хэмээн шалгаж байгаа юм.

Тэгвэл яллагдагчаар татан шалгагдаж буй Ж.Соронзон хил давжээ. Түүнийг хилийн хориг байсан эсэхийг "2022 оны аравдугаар сарын 6-нд хилийн хориг тавих санал ирснийг шүүх аравдугаар сарын 11-нд хэлэлцээд хилийн хориг тавихаас татгалзаж шийдвэрлэсэн" гэлээ.

Өөрөөр хэлбэл, Ж.Соронзон нь хилийн хориггүй байжээ.