Х.Буянтүмэн: Гашуунсухайтын хилийн боомтоор хил нэвтэрсэн 11 мянга гаруй тээврийн хэрэгслийн бүртгэлийн мэдээллийг серверээс устгасан нь тогтоогдлоо

АТГ-аас өнөөдөр мэдээлэл хийсэн. Тодруулбал, Хил хамгаалах байгууллага, гааль, АТҮТ-ийн эрх бүхий албан тушаалтнууд нь хууль бусаар гаалийн бүрдүүлэлтгүй тээврийн хэрэгслийг улсын хилээр нэвтрүүлж, хахууль авсан, олон улсын ачаа тээврийн С зөвшөөрөл олгохдоо бусдаас хахууль авсан зэрэг нийт 42 яллагдагчид холбогдох гурван хэргийн мөрдөн шалгах ажиллагааг дуусгаж, шүүхэд шилжүүлсэн гэсэн юм.

Мөн АТГ-ын Мөрдөн шалгах хэлтсийн дарга, эрхэлсэн комиссар Х.Буянтүмэн "Гашуунсухайтын хилийн боомтоор хил нэвтэрсэн 11 мянга гаруй тээврийн хэрэгслийн бүртгэлийн мэдээллийг серверээс устгасан нь тогтоогдлоо" хэмээлээ.