Хулгайн гар утсыг хямд үнээр худалдан авч, зарж борлуулдаг байжээ

Бусдын гар утсыг хулгайлдаг этгээдүүдээс хямд үнээр утас худалдан авдаг байсан ченжүүдэд холбогдох хэргийг шалгаж байна. Тодруулбал, Чингэлтэй дүүргийн нэгдүгээр хорооны нутаг дэвсгэрт байрлах “Монтел”, “Тedy” худалдааны төвийн гадна болон дотор талд үйл ажиллагаа явуулдаг нэр бүхий дөрвөн ченж нь нийтийн тээврийн автобус, автобусны буудал, Их дээд сургууль, гудамж талбайд халаасны хулгайн гэмт хэрэг үйлддэг гурван этгээдээс удаа дараагийн үйлдлээр хулгайн эд зүйл болох гар утсыг хямд үнээр худалдан авч, зарж борлуулдаг байжээ. Тус хэргийг илрүүлэн нийт 264 гар утсыг эд мөрийн баримтаар тэмдэглэл үйлдэн хураан авч, мөрдөн шалгах ажиллагааг үргэлжлүүлэн явуулж байна.