Итали Улсад болсон “төгөлдөр хуурчдын уралдаан”-д амжилттай оролцсон Монгол Улсын консерваторын багш, оюутнуудад 24 сая төгрөг хүртэлх мөнгөн шагнал олгохоор шийдвэрлэлээ

Засгийн газрын ээлжит хуралдаан өнөөдөр болж, зарим шийдвэрүүдийг гаргалаа. Тухайлбал, Бүгд Найрамдах Итали Улсад энэ оны долоодугаар сарын 07-11-ний хооронд зохион байгуулагдсан “Барток-Кабалевский-Прокофьевын нэрэмжит төгөлдөр хуурчдын уралдаан”-д оролцож, мэргэжлийн төгөлдөр хуурын хоршил төрөлд Монгол Улсын консерваторын Сонгодог хөгжмийн мэргэжлийн багш Б.Ариунаа, С.Алимаа, Л.Баярмаа, оюутан Н.Бодьзавъяа нар хоёрдугаар байрт шалгарсан тул Засгийн газрын журмын дагуу 6 сая төгрөгийн мөнгөн шагнал олгохоор болжээ.

Оюутан Н.Бодьзавьяа нь ганцаарчилсан төрөлд мөн хоёрдугаар байрт шалгарсан тул 24 сая төгрөгийн мөнгөн шагнал олгохоор шийдвэрлэлээ.