СОНГУУЛЬ: Иргэдийн ирц 18:00 цагийн байдлаар 45.7 хувьтай байна
Аймаг, нийслэл, сум, дүүргийн ИТХ-ын сонгуулийн санал хураалт орон даяар үргэлжилж байна. СЕХ-ноос өгсөн мэдээллээр улсын хэмжээнд 18:00 цагийн байдлаар сонгогчдын ирц 45.7 хувьтай байна.
Тодруулбал, нийт 2.2 сая иргэн саналаа өгөх ёстойгоос 962 мянга нь саналаа өгөөд байгаа юм. Сонгогчдын ирцийг бүсээр нь авч үзвэл,
-Баян-Өлгий аймаг - 70 хувь
-Завхан аймаг - 66.3 хувь
-Сүхбаатар аймаг - 65.9 хувь
-Говь-Алтай аймаг - 62.7 хувь
-Ховд аймаг 62.2 хувийн ирцтэй байна.
Харин нийслэл Улаанбаатар хот ирцээрээ "сүүл мушгисан" хэвээр байна. Нийслэлийн ирцийн мэдээллийг дүүргээр нь авч үзвэл,
-Багахангай дүүрэг - 64.4 хувь
-Багануур дүүрэг - 63.2 хувь
-Налайх дүүрэг - 41.6 хувь
-Сүхбаатар дүүрэг - 37.5 хувь
-Баянгол дүүрэг - 36.1 хувь
-Хан-Уул дүүрэг - 35.1 хувь
-Баянзүрх дүүрэг - 33.8
-Чингэлтэй дүүрэг - 33.6
-Сонгинохайрхан дүүрэг 33.5 хувийн ирцтэй байгаа юм.
Санал хураалт 20:00 цагт хаагдах тул үлдсэн хоёр цагийн хугацаанд иргэд та бүхнийг санал хураалтад идэвхтэй оролцохыг Сонгуулийн ерөнхий хорооноос уриаллаа.
