М.Нарантуяа-Нара: 50 сая төгрөгөөр хийсэн “Төсвийн хэлэлцүүлэг“-т оролцсон гишүүд цалингаасаа төсвийн мөнгийг буцааж төлөх санаачлагыг гаргасан

Тэрэлж зочид буудалд 50 сая төгрөгийн өртөгтэйгөө 2025 оны төсвийн төслийн танилцуулгыг хийсэн тухай мэдээлэл ил болж, багагүй шүүмжлэл дагуулсан. Дээрх асуудалтай холбоотойгоор УИХ-ын гишүүн М.Нарантуяа-Нарагаас байр суурийг нь тодрууллаа. Тэрбээр,

"Амралтын өдөр учраас "Тэрэлж"-д болж байна гэж бодсон чинь төсвөөс 50 сая төгрөг зарцуулж хийснийг өчигдөр мэдлээ. Тиймээс 50 сая төгрөг зарцуулж хийсэн хэлэлцүүлэгт оролцсон гишүүд цалингаасаа тодорхой хувь өгөөд төсвийн мөнгийг буцааж төлөх санаачлагыг УИХ-ын гишүүдийн группт гаргасан" гэх тайлбарыг өгсөн юм.