“Надтай ерөөсөө ярилгүйгээр 7 ажлын хэсэгт оруулснаас 2-ыг нь би ахалж байгаа юм билээ. Би тендерийн хуулийг эсэргүүцсэн болохоос АХАЛЪЯ гэж хэлээгүй“

УИХ-ын чуулганы үдээс хойшх хуралдаанаар “УИХ-ын 2024-2028 оны стратеги төлөвлөгөө батлах тухай” тогтоолын төслийг хэлэлцэж байна. Энэ үеэр УИХ-ын гишүүн Б.Энхбаяр "Өмнө нь тухайн гишүүнээс нь асуудаг байсан юм л даа. Надтай ерөөсөө ярилгүйгээр 7 ажлын хэсэгт оруулсан байна лээ. Би 2-ыг нь ахалж байгаа юм билээ. Би тендерийн хуулийг эсэргүүцсэн болохоос АХАЛЪЯ гэж хэлээгүй" гэсэн бол

УИХ-ын дарга Д.Амарбаясгалан "Сүүлийн үед барин тавин "гөрддөг" болчихоод байна. Яах вэ, тэгээд ПОПРООД явж байж болно. ХИЙЕ ГЭВЭЛ АРГА НЬ ОЛДОНО, хийхгүй гэвэл шалтаг олддог. Хүсэхгүй бол ажлын хэсгээ сольж, гарч болно" гэх хариу тайлбарыг өгсөн юм.