С.Баяр: Ц.Даваасүрэнгийн саналууд 100 хувиар унаж байх болтугай. Ийм этгээдийг төрд “шургалахад“ нь дэмжсэн миний буруу

Цөмийн энергийн хуульд нэмэлт, өөрчлөлт оруулах тухай хуулийн төслийг УИХ-аар хэлэлцэж эхэлсэн. Өнгөрсөн долоо хоногт Төсвийн байнгын хороогоор хэлэлцэж эхлэх үед тус байнгын хорооны дарга Ц.Даваасүрэн АМНАТ-ыг 9 хувь болгож нэмэгдүүлэх санал оруулж, дэмжсэн байдаг.

Тэгвэл өчигдөр хуралдсан Аюулгүй байдал, гадаад бодлогын байнгын хорооны хуралдаанаар уг саналыг дэмжих эсэх санал хураалт явуулахад 100 хувийн саналаар татгалзсан юм.

Энэ явдалд Ерөнхий сайд асан С.Баяр "Огшив. Ц.Даваасүрэнгийн саналууд ийм байдлаар 100 хувь унаж байх болтугай. Монголын төрд ийм этгээд шургалахад нь эхэндээ дэмжсэн миний буруу, уучлаарай" гэх байр суурийг цахим хуудсаараа дамжуулан илэрхийллээ.

Огшив. ЦДнүүд ийм байдлаар 100% унаж байх болтугай! Монголыг төрд ийм этгээд шургалахад нь эхэндээ дэмжсэн миний буруу, уучлаарай! https://t.co/Z28CHofcVQ

— S.Bayar (@SBayar12) November 14, 2024