УДЭТ-ын жүжигчин Р бусадтай маргалдсаны улмаас гарандаа хутгалуулж, оёдол тавиулжээ
Он солигдсоны дараа буюу 2025 оны нэгдүгээр сарын 1-ний шөнө УДЭТ-ын жүжигчид шинэ жилийн баяраа тэмдэглэх үеэр архидан согтуурч “The Lover” жүжгийн гол дүрийн жүжигчин Р бусдад хутгалуулж, биедээ оёдол тавиулжээ.
Цагдаагийн байгууллагаас тодруулахад "Энэ талаар дуудлага мэдээлэл бүртгэгдээгүй. Хэрэг хаана, хэзээ болсон нь тодорхойгүй байна" гэв. Харин албан бус эх сурвалжийн мэдээлж буйгаар Р нь гарандаа хутгалуулсан бөгөөд тус театрт өмнө нь ажиллаж байсан хүнтэй үл ойлголцож, улмаар маргалдсан байж болзошгүй байна.
"The Lover" жүжиг нь өнгөрсөн 2024 оны арваннэгдүгээр сарын 29-нөөс тоглогдож эхэлсэн юм. Жүжгийн дүрүүдэд:
Ричард – СТА О.Майдарравжаа, Ц.Рагчаа
Сара – СТА М.Тогтохжаргал, Б.Золзаяа
Хүргэлтийн ажилтан – Г.Эрдэнэболд, Я.Төгсжаргалан
Олны хэсэг – Н.Балжинням, Б.Баярт-Од, Ц.Цэлмэг, Б.Үүрцайх, А.Номин-Эрдэнэ, Т.Намсрай, Д.Мөнхтулга, А.Энхжин, Н.Мөнх-Эрдэнэ, Б.Хүслэн нар тоглосон юм.
