“Допинг шахаад галзууруулчихсан адууг хүүхдээр унуулаад ашгийн төлөө уралдаж байна. Тийм морийг насанд хүрсэн хүн ч унаад уралдах боломжгүй“

Тод манлай уяач Ц.Дуламсүрэн хаврын морин уралдаантай холбоотой асуудлаар мэдээлэл хийлээ. Энэ үеэр тэрбээр "Допинг буюу эм тариагаар бордоод галзууруулчихсан адууг хүүхдээр унуулаад ашгийн төлөө уралдаж байна. Тийм эрлийз морийг насанд хүрсэн та нар ч унаад уралдах боломжгүй. Нисэж үхнэ шүү дээ. Үхлийн нүх ухаж байгаад “Аз чинь байвал харайгаад гар. Азгүй бол ҮХ” гэж байгаагаас ялгаагүй" гэв.