М.Энхболдын хүү Э.Анарыг Монголбанкны Тэргүүн дэд Ерөнхийлөгчөөр томилох асуудлыг УИХ-аар пүрэв гарагт хэлэлцэнэ

Монголбанкны Тэргүүн дэд Ерөнхийлөгчид УИХ-ын дарга асан М.Энхболдын хүү Э.Анарыг нэр дэвшүүлсэн тухай бид өмнө нь мэдээлсэн. Э.Анар нь 2011 оноос хойш Монголбанканд тасралтгүй ажиллаж буй бөгөөд одоо тус банкны Төлбөр, тооцооны газрын захирлаар ажиллаж байгаа юм.

Нэр дэвшигчийн сонсголыг маргааш УИХ-ын Төрийн байгуулалтын байнгын хороо зохион байгуулах бөгөөд пүрэв гарагийн чуулганы нэгдсэн хуралдаанаар хэлэлцүүлэхээр төлөвлөжээ.