Бүгд Найрамдах Казахстан Улсын Астана хотноо энэ сарын 2–8-нд зохион байгуулагдах Олон улсын хиймэл оюуны гуравдугаар олимпиадад (IOAI 2026) эх орноо төлөөлөн оролцох Монгол Улсын баг өнөөдөр "Чингис хаан" олон улсын нисэх онгоцны буудлаас мордлоо.
Баг дөрвөн сурагч, хоёр дасгалжуулагчийн бүрэлдэхүүнтэй. Энэ жилийн олимпиадад дэлхийн 123 улсын 500 гаруй шилдэг сурагч оролцох төлөвтэй байгаа бөгөөд энэ нь оролцогч орнуудын тоогоороо Олон улсын математикийн олимпиадын (IMO) дараа хоёрдугаарт эрэмбэлэгдэх хэмжээний өргөн цар хүрээтэй олимпиад юм.
