Давосын чуулган 2020: Грета Тунберг VS Трамп
Давосын чуулган дээр АНУ-ын Ерөнхийлөгч Дональд Трамп, Грета Тунберг нар уур амьсгалын өөрчлөлтийн тухайд эсрэгцсэн байр сууриа танилцууллаа.
Трамп:
Түлш, шингэрүүлсэн байгалийн хий, цэвэр нүүрс, цөмийн эрчим хүч гээд бид бараг хязгааргүй эрчим хүчний урд зогсож байна.
Грета Тунберг:
Хэрвээ бид өнөөдөр ялгаруулж байгаа нүүрсхүчлийн хийн ялгарлыг үргэлжлүүлэн үйлдвэрлэсээр байвал ирээдүйд бүтээхээр зорьж байгаа нүүрсхүчлийн хийн шингээлтийн ялгааг тэглэх зорилго ямар ч үр дүнгүй байх болно. Өнөөдрийнх шиг их хэмжээгээр ялгаруулахаа хэдхэн жил үргэлжлүүлбэл дэлхий даацаа дийлэхээ больно.
Трамп:
Бид бурхны гайхамшигт бүтээл болох байгаль дэлхийгээ хамгаалах үүрэгтэй. Дэлхийн эдийн засгийн форумаас санаачилсан нэг их наяд мод тарих төлөвлөгөөнд АНУ-ын зүгээс нэгдэнэ гэдгээ мэдэгдэж байгаадаа баяртай байна.
Грета:
Мод тарих нь мэдээж сайн зүйл. Гэхдээ нэн шаардлагатай байгаа зүйлсийн хаана нь ч хүрэхгүй. Байгалийг нөхөн сэргээж, ялгаралтыг бууруулахад бүрэн дэм болж чадахгүй.
Трамп:
Өнгөрсөн зуунд тохиосон гайхамшигт зүйлс өнөөдрийн шинийг санаачлагч залуучуудын хажууд хаана нь ч хүрэхгүй. Тэд өмнө нь хэн ч боломжтой гэж итгэмгүй тийм л зүйлсийг бүтээж байгаа. Бид технологиос зугтахын оронд ашиглана.
Грета Тунберг:
Тэдгээр асуудлыг шийдэх технологи өнөөдөр байхгүй. Шинжлэх ухааны хувьд ч бас байх боломжгүй гэж үзэж байна. Тиймээс байхгүй технологид итгэж найдахгүй байхыг бидний зүгээс хүсэж байна.
Эх сурвалж: CNN
