Э.Бат-Үүл: Шударга ёс, шүүхийн хараат бус байдлын төлөө тэмцэнэ

Баянзүрх, Чингэлтэй дүүргийн анхан шатны шүүхээс Улаанбаатар хотын дарга асан Э.Бат-Үүлд дөрвөн жил, ТОСК-ын захирал асан Д.Гантулгад зургаан жилийн ял оноосон. Шүүхээс гаргасан шийдвэртэй холбогдуулан Э.Бат-Үүлийн хүү Б.Чулуудай мэдээлэл хийх үеэрээ давж заалдана гэдгээ мэдэгдээд байна.

Тэгвэл Э.Бат-Үүлийг баривчлах үеэр тэрбээр олон нийтэд үг дайлгаж, захиа үлдээснийг түүний хүү Б.Чулуудай уншив. Тодруулбал, "Нэгдүгээрт, хэрэг, хохирол хоёрыг надад зохиолоо. Шударга ёс, шүүхийн хараат бус байдлын төлөө тэмцэнэ. Би улс төрийн тэмцэл хийж байхдаа хэнийг ч гүтгэж, гутаан доромжилж байгаагүй. Монголын ардчилал ялна" гэж хэлүүлжээ.