Сахилгын зөрчил гаргасан шүүгч нарын асуудлыг маргааш хэлэлцэхээр болжээ

Өнгөрсөн нэгдүгээр сард өмгөөлөгч Б.Баасанцогт, шүүгч Х.Идэр, Д.Отгонбаатар, З.Болдбаатар, АТГ-ын ажилтан П.Чулуунбаатар нар Энконто байрны .... тоотод шөнө дөлөөр уулзаж, архидан согтууран улмаар лифтэнд ёсзүй бус авир гаргаж байгаа бичлэг цацагдсан байдаг.

Тухайн үедээ АТГ-аас өөрийн ажилтан П.Чулуунбаатарыг ажлаас нь чөлөөлж буйгаа мэдэгдсэн. Тэгвэл сахилгын зөрчил гаргасан гурван шүүгчийн асуудлыг Шүүхийн сахилгын хороогоор маргааш хэлэлцэхээр болжээ.

Тодруулбал, дээрх гурван шүүгчид сахилгын арга хэмжээ авах тухай гомдлыг “Нэхүүл”, “Дархан Монгол ногоон нэгдэл” төрийн бус байгууллагуудаас Шүүхийн сахилгын хороонд гаргасан аж.