Ардчилсан эмэгтэйчүүдийн холбооны Ерөнхийлөгчийн сонгуулиас Д.Энхтуяа, Г.Хажидмаа нар нэрээ татлаа

Ардчилсан намын дэргэдэх Ардчилсан эмэгтэйчүүдийн холбооны Ерөнхийлөгчийн сонгуулиас хоёр нэр дэвшигч нэрээ татлаа. Тодруулбал, тус холбооны дээд чуулган энэ сарын 25-ны өдөр буюу ирэх Даваа гарагт зохион байгуулагдахаар болсон билээ. Ерөнхийлөгчийн сонгуульд УИХ-ын гишүүн А.Адьяасүрэн, М-Ойл группийн Ерөнхийлөгч Б.Пунсалмаа, АН-ын ҮБХ-ны гишүүн Г.Жаргалан нарын нийт есөн хүн нэр дэвшихээр бүртгүүлээд байсан. Тэгвэл НИТХ-ын төлөөлөгч Д.Энхтуяа болон АН-ын гишүүн Г.Хажидмаа нар нэрээ татсан байна. Ингэснээр АЭХ-ны Ерөнхийлөгчид долоон хүн өрсөлдөхөөр боллоо.