Улсын заан Б.Пүрэвсайхан Ховд бөхийн дэвжээнийхэнтэйгээ хамт НААДМЫН БЭЛТГЭЛДЭЭ ГАРЧЭЭ

Өнгөрсөн жилийн наадмаар хиймэл зүлэгнээс болж халтирч, гэмтсэн Улсын заан Б.Пүрэвсайхан Ховд бөхийн дэвжээнийхэнтэйгээ хамт наадмын бэлтгэлдээ гарчээ.

Тодруулж хэлбэл, Ховд аймгийн Ховд бөхийн дэвжээний О.Хангай аварга, Б.Пүрэвсайхан заан тэргүүтэй бөхчүүд энэ жил Багахангай дүүрэгт, Ч.Батзориг зааны галд бэлтгэлээ базааж байна.

Б.Пүрэвсайхан заан өнгөрсөн жилийн наадмын барилдаанаас хойш нэг ч барилдаанд зодоглоогүй учраас энэ жилийн наадмаар зодоглох болов уу гэх хүлээлт өндөр байгаа юм.

Мөн эх сурвалжийн мэдээлснээр, Улсын заан Б.Бат-Өлзий "Ховд" бөхийн дэвжээнээс тусдаа, Дархан аварга А.Сүхбатын удирдлага дор наадмын бэлтгэлд гарсан байна.