Ерөнхийлөгч болон бүх сайд нарын урсгал зардлаас 10 хувийг хасаж, цалин тэтгэвэр рүү шилжүүлэх санал гаргана гэв

УИХ дахь Монгол ардын намын бүлгийн хуралдаанаар хэлэлцсэн асуудлуудын талаар мэдээлэл хийлээ. Энэ үеэр УИХ-ын Төсвийн байнгын хорооны дарга Х.Ганхуяг багш, эмч нарын цалингийн асуудлаар мэдээлэл өглөө. Тэрбээр хэлэхдээ "Цалин, тэтгэврийн нэмэгдэлд 810 тэрбум төгрөг шаардлагатай байна. Хөрөнгө оруулалтаас хасах боломжгүй учраас Ерөнхийлөгч болон сайд нарын урсгал зардлаас тус бүр 10 хувийг хасаж, цалин, тэтгэвэр рүү шилжүүлэх саналыг гаргахаар бэлтгэж байна" гэлээ.