Шатахуун түгээх станцууд нөөц хэвийн байгааг мэдэгдэж эхэллээ

Нефть импортлогч “Сод Монгол”, “Шунхлай”, “Тэс петролиум”, “Монсуль”, “Газ ойл”, “Аргал ойл” зэрэг компаниуд мэдэгдэл гаргаж эхэлсэн байна. Тэд мэдэгдэлдээ шатахуун түгээх станцууд өндөр ачаалалтай ажиллаж байгаа хэдий ч шатахуун олголтоо хэвийн үргэлжлүүлж буйг дурджээ. Мөн нөөц хэвийн, нийлүүлэлтэд ноцтой доголдол гараагүйг мэдэгдсэн байна. Өнөө өглөө АҮЭБ-ийн сайд Г.Дамдинням шатахууны нийлүүлэлт нийслэлд хэвийн явагдаж байгааг хэлж, өдөр тутмын хэрэгцээнд тааруулж худалдан авалт хийхийг уриалсан билээ.