ХОХИРОГЧ эмэгтэйн НӨХӨР: Хайртай ханиа, 4 настай охиноо, гэдсэнд байгаа үрээ нутаглуулахаар болчихлоо. Үнэхээр шоконд орж байна
Баянзүрх дүүргийн нутаг дэвсгэр Дунд Дарь-эхэд хүн амины онц ноцтой хэрэг гарсан талаар бид өмнөх мэдээллээрээ хүргэсэн. Дээрх гэмт хэргийн улмаас 4 настай охин ээжийнхээ хамтаар амиа алдаж, 3 настай охин хүнд гэмтэж, эмнэлгийн байгууллагын хяналтад эмчлүүлж байна.
Эх сурвалжийн мэдээллээр, хөрш айлын 48 настай эрэгтэй нь дээрх гэмт хэргийг үйлдсэн гэх мэдээлэл байна.
Тэгвэл амиа алдсан эмэгтэй 8 сартай жирэмсэн байсан талаар түүний нөхөр Нэгүүн.мн сайтад өгсөн ярилцлагадаа дурджээ. Тэрбээр "Өглөө машин аваад гэрээсээ гараад ирэх хооронд ийм харгис хэрэг гарсан байна. Миний охиныг мал нядалж байгаа юм шиг хутгалаад, эхнэрийг минь үсдээд чирсэн юм шиг байна. Одоо нэг охин минь маш хүнд эмнэлэгт байна. Дөрөвхөн настай охин минь яаж амь гуйсан бол. Цаг гарны дотор л хэн нь ч мэдэгдэхгүй гар гэр бүлийг минь хяргачихлаа. Одоо амьд үлдсэн охин минь "Ээж яасан бэ. Би аниа болж байгаа" л гэнэ. Би охины босчих. Гарч ирэхээр нь тоглоё" гэж хэлсэн. Охин минь "Танихгүй агаа ёоёо" гээд л байна. Хайртай, ханиа, 4 настай охиноо, гэдсэнд байгаа үрээ нутаглуулна. Үнэхээр шоконд орчихлоо би.
Сэтгэцийн өвчтэй, гаж донтой нь мэдэгдэхгүй хүн орж ирээд л нэг айлыг сийчээд хаячихлаа. Энэ бол аймшигтай аллага. 4 настай охиныг минь сийчээд хаячихсан. Энэ хүн ял авлаа гэсэн ч нэг айлын амьдрал орвонгоороо эргэж байна" гэжээ.
