АТГ: Хэргийн цар хүрээ, үйлдлээс хамаарч Б.Чойжилсүрэн сайд гэлтгүй бусад өндөр албан тушаалтнуудын нөлөөлөл хэрэгт бий эсэхийг ШАЛГАНА

Эрчим хүчний сайд, яамны Төрийн нарийн бичгийн даргаар ажиллаж байгаад "ТЭЦ-4" ТӨХК-ийн гүйцэтгэх захирлаар томилогдоод удаагүй байсан Н.Тавинбэх болон түүний хамаарал бүхий зарим этгээдийг албан тушаалын байдлаа урвуулан ашиглаж бусдад давуу байдал бий болгосон, үндэслэлгүй хөрөнгөжсөн гэх гэмт хэрэгт яллагдагчаар татаж, цагдан хориод буй. Тэгвэл эл хэрэгт холбогдуулан Эрчим хүчний сайд Б.Чойжилсүрэнг шалгах эсэх талаар тодруулахад АТГ-ын Хэвлэл мэдээлэл, олон нийттэй харилцах ажилтан, комиссар Б.Билэгт дараах мэдээллийг өглөө. Тэрбээр "Н.Тавинбэх нарын хэргийн цар хүрээ, үйлдлээс хамаарч зөвхөн Б.Чойжилсүрэн сайд гэлтгүй бусад өндөр албан тушаалтнуудын нөлөөлөл хэрэгт бий эсэхийг ШАЛГАНА" гэв.