Шадар сайд Н.Номтойбаяр Гадаад улсад суухаар томилогдсон Элчин сайд нарыг хүлээн авч уулзлаа
Монгол Улсын Шадар сайд Н.Номтойбаяр \2026.04.09\ гадаад улсад суухаар томилогдсон Элчин сайд нарыг хүлээн авч уулзлаа.
Уулзалтын эхэнд Монгол төрийн дипломат албаны хүндтэй үүргийг гүйцэтгэхээр томилогдсон элчин сайд нарт ажлын амжилт хүсэхийн хамт гүйцэтгэх ажил, анхаарал хандуулбал зохих зарим асуудлын талаар санал солилцлоо.
Уулзалтаар Монгол Улсын Ерөнхий сайд Н.Учралын Засгийн газар, эдийн засгийг зөвшөөрөл, лицензүүдээс хувийн хэвшлийг төрийн хэт оролцоо, хүнд суртлаас чөлөөлөх, татвар бизнесийн орчныг шинэчлэх, эдийн засгийн өсөлтийг дэмжих, хувийн хэвшил болон иргэдийн эрх чөлөө, хууль ёсны ашиг сонирхлыг тууштай хамгаалах бодлогыг хэрэгжүүлэхээр зорин ажиллаж байна.
Энэ хүрээнд гадаад улсад суугаа Элчин сайд нар гадаад бодлогын хэрэгжилтийг шинэ шатанд гаргах, дипломат албаны үйл ажиллагаа, бүсчилсэн хөгжлийн үзэл баримтлал, концепцийн хандлагыг нэвтрүүлэх, олон улсын лаборатори болон стандартад суурилсан шилдэг туршлагыг судлан нутагшуулах шаардлагатай байгааг онцлон хөндөв.
Түүнчлэн гадаадын дэвшилтэт технологи, инновацын шийдэл, чанарын удирдлагын тогтолцоонд тулгуурласан стандартуудыг нэвтрүүлэх, гадаадын хөрөнгө оруулалтыг татах бодит механизмыг бүрдүүлэхэд идэвх санаачилгатай ажиллаж хөдөө аж ахуй болон онцгой байдлын салбар зэрэг тэргүүлэх чиглэлүүдэд олон улсын шилдэг туршлага, тэр дундаа гамшгийн үеийн удирдлага, бэлэн байдал, эрсдэлийн менежментийн үр дүнтэй шийдлүүдийг судлан нэвтрүүлэх, бодлого, хэрэгжилтийн түвшинд уялдуулан нутагшуулахад онцгой анхаарч ажиллахыг үүрэг чиглэл болгов.
Иймд эдийн засгийн сэргэлтийн бодлого дотоод реформоос гадна гадаад эдийн засгийн орчныг таатай байдлаар бүрдүүлэх дипломат чадамжаас хамаарах тул өнөөгийн нөхцөлд Элчин сайд төрийн төлөөлөл төдийгүй экспорт, хөрөнгө оруулалт, технологи зах зээлийн хүртээмжийг дотооддоо авчрах хоёр улсын харилцаа, хамтын ажиллагааг холбосон итгэлцлийн гол гүүр болсон ажилд нь амжилт хүслээ.
