Согтуугаар тээврийн хэрэгсэл жолоодон, жалга руу унаж нэг хүн гэмтжээ

Дорнод аймгийн Халхгол сумын нэгдүгээр багт тээврийн хэрэгсэл жалга руу унасан тухай дуудлага мэдээлэл цагдаагийн байгууллагад иржээ. Тус осол дөрөвдүгээр сарын 26-ны 17:00 цагийн орчимд бүртгэгдсэн байна.

Хэргийг харьяа цагдаагийн газраас шалгалтын ажиллагаа явуулахад 25 настай эрэгтэй Э нь согтуурсан үедээ тээврийн хэрэгслийг жолоодож яваад жалга руу орж, зорчиж явсан нэг иргэнийг гэмтээсэн ажээ.