Зам тээврийн ослын улмаас 20 настай залуу нас баржээ

Өмнөговь аймгийн Ханхонгор сумын Улаан эрэг гэх газарт зам тээврийн осол гарч, 20 настай эрэгтэй нас барсан хэргийг цагдаагийн байгууллагаас шалгаж байгаа ажээ.

Тодруулбал, 2026 оны тавдугаар сарын 17-ны өдрийн 21.20 цагийн орчимд цагдаагийн байгууллагад ослын дуудлага мэдээлэл бүртгэгджээ.

Дуудлага, мэдээллийн дагуу шалгалтын ажиллагаа явуулахад 19 настай, эрэгтэй “Б” нь Toyota Prius-20 маркийн тээврийн хэрэгсэл жолоодож яваад онхолдож, 20 настай, эрэгтэй “Ж” нас барсан хэргийг аймгийн цагдаагийн газарт шалгаж байна.