Улсын заан Л.Энхсаруулд "Алсын жим” компани 600 сая төгрөгийн урамшуулал олгожээ

“Алсын жим” компани Монгол Улсын заан Л.Энхсаруулд 600 сая төгрөгийн урамшуулал гардуулжээ. Тэрбээр 2022 оноос хойш тус компанийн нэр дээр барилдаж байгаа юм.

Л.Энхсаруул нь Увс аймгийн Ховд сумын харьяат бөгөөд 2024 оны улсын баяр наадамд тав давж улсын начин цол хүртсэн. Улмаар 2025 оны наадамд тав давж, начин цолоо батлан “Өсөх идэр” чимэг хүртсэн.

Тэрбээр 2026 оны Үндэсний их баяр наадмын хүчит бөхийн барилдааны долоогийн даваанд улсын арслан Ц.Содномдоржийг давснаар улсын заан цолны болзол хангасан юм. Ийнхүү улсын наадамд гурван жил дараалан амжилттай барилдаж, цолоо ахиулсан билээ.