Үндэсний дээд лигт өнөөдөр гурван тоглолт болно
Монголын Сагсан бөмбөгийн холбооны 2026-2027 оны Үндэсний дээд лигийн ээлжит тоглолтууд өнөөдөр буюу аравдугаар сарын 12-нд M Bank Arena ордонд болно. Өнөөдөр эрэгтэй багуудын гурван тоглолт болж, эхний тоглолт 15:30 цагт эхэлнэ.
Тоглолтын хуваарь:
15:30 — СҮА ТЛЖ Түшиг Багана – Сэлэнгэ Бодонс
18:00 — Дархан Юнайтед – Соно Бродерс
20:30 — Вестерн Уорриорс – Би Си Эйч Найтс
Өнөөдрийн онцлох тоглолтуудын нэг нь Дархан Юнайтед болон Соно Бродерс багийн учраа юм. Дархан Юнайтед улирлын эхний дөрвөн тоглолтод дараалан ялалт байгуулж, хүснэгтийг тэргүүлж байгаа бол Соно Бродерс нэг хожил, гурван хожигдолтой байна. Дархан Юнайтед өмнөх тоглолтдоо Би Си Эйч Найтсыг 91:73-аар хожсон бол Соно Бродерс Сэлэнгэ Бодонст 69:82-оор ялагджээ.
Мөн СҮА ТЛЖ Түшиг Багана, Сэлэнгэ Бодонс багуудын тоглолт өдрийн эхний учраа болох бол Вестерн Уорриорс, Би Си Эйч Найтс багууд сүүлийн тоглолтод хүч үзнэ.
