Хонконгийн тэмцэгч Агнес Чоуг бодит амьдрал дээрх ‘Мулан’ хэмээн нэрлээд байна

23 настай Агнес Чоу нь Хонконгийн ардчиллын төлөө идэвхитэй тэмцэгчдийн нэг бөгөөд 15 настайгаасаа хойш хэд, хэдэн удаагийн бослогыг удирдан зохион байгуулж, оролцсон  юм. Түүнийг дэмжигчид ойрын өдрүүдэд Чоу-г “бодит амьдрал дээрх Мулан” хэмээн хочлоод байгаа ажээ.

Бээжингээс гаргасан шинэ аюулгүй байдлын хуулийн дагуу түүнийг өнгөрөгч долоо хоногт баривчилсан юм. Одоогоор Агнес Чоу-г “Гадаадын хүчнүүдтэй хуйвалдсан” хэмээн буруутгаж байгаа бөгөөд хэрвээ яллагдавал бүх насаар нь ч хорьж магадгүй юм. Түүнийг дэмжигчид Твиттер дээр #freeAgnes гэх хөдөлгөөнийг өрнүүлж, бидний жинхэнэ мулан хэмээн ‘өргөмжилжээ’. Учир нь Мулан бол эртний Хятадын домог ба 1998 онд Дисней компани ч тус домгоор анимейшн гаргасан юм. Тус анимейшнд Мулан нь гэр бүл, улс орныхоо төлөө тулалддаг эмэгтэй баатрын дүрээр гардаг билээ.

“Шинэ үндэсний аюулгүй байдлын хууль нь энэ улс төрийн үймээн самууныг хүчээр дарах зорилготой нь ойлгомжтой байна гэж хэлмээр байна. Нийт 4 дөрвөн баривчлагдлаа, гэсэн хэдий ч дэмжигчид минь надтай үргэлж хамт байгааг өмгөөлөгчөөрөө дамжуулан сонсож байгаа.” хэмээн Агнес Чоу хэвлэлийнхэнд мэдээлсэн байна.

 

Эх сурвалж: BBC