"Epic Games" компани "Apple"-ийг шүүхэд өгчээ

Fortnite тоглоомыг App Store-оос устгасаны дараа Fortnite-ийг эзэмшигч Epic games компани Apple компанийг шүүхэд өгчээ. АНУ-ын Калифорни мужийн хойд бүсийн шүүхэд гаргасан өргөдөлдөө Apple App Store-ийг давуу байдлаа хууль бусаар ашигласан хэмээсэн ба утасны аппликейшн үйлдвэрлэгчдэд шударга өрсөлдөөн тогтоохыг хүссэн байна.

Apple компани тус тоглоомыг устгасан шалтгаан нь Fortnite өөрсдийн төлбөрийн системийг iOS хувилбар дээр оруулж ирсэн нь App Store-ийн зарчмыг илт зөрчсөн байдал хэмээн үзсэн юм. Гэсэн ч Epic Games үүний эсрэг “Apple өөрийн монополь байдлаа ашиглан Epic Games-ийн өрсөлдөөнд хор хөнөөл учруулж, инфляцийг өсгөж хэрэглэгчдэд хүндрэл учруулж байна. Үүгээрээ Apple компани Калифорни мужийн Картврайтын тухай хууль, худалдааны үнэ тогтоох, хязгаарлалтыг хориглосон монополийн эсрэг хууль, Калифорнийн шударга бус өрсөлдөөний тухай хуулийг зөрчсөн хэмээн 3 зүйлээр буруутгаж байна” гэжээ.

Дэвсгэр мэдээлэл: 
2017 оноос хойш жил бүр хамгийн их хүн тоглодог онлайн тоглоомоор шалгарч буй Fortnite нь нийт 350 сая бүртгэлтэй тоглогчтой юм. Хэдий хамгийн их хүн тоглодог ч мөн хамгийн их үзэн ядагчтай тус тоглоом нь одоогийн байдлаар идэвхитэй, тогтмол тоглодог 78 сая хүн байгаа юм. 

Эх сурвалж: The Verge