Таван давхраас 17 настай охин унаж бэртжээ

Нийслэлийн Налайх дүүрэгт 17 настай охин таван давхрын тагтнаас унаж бэртжээ. Тодруулбал, Налайх дүүргийн 8 дугаар хорооны “Нисэх”-ийн байр 9 давхар орон сууцны барилгын 5 дугаар давхрын тагтаас хүн унах гээд байна гэсэн дуудлагыг нэгдүгээр сарын 20-ны өдрийн 20:35 цагт дүүргийн онцгой байдлын газар хүлээн авчээ.

Тус дүүргийн Онцгой байдлын хэлтсийн алба хаагчид нэг км зам туулан 20:37 цагт очиход тус байрны иргэн 17 настай, эмэгтэй М унаж гэмтсэн байсан тул дүүргийн нэгдсэн эмнэлэгт хүргэж өгсөн байна.

Эх сурвалж: ОБЕГ