Ерөнхийлөгч асан Х.Баттулга жүдочдоо дэмжихээр Токиог зорилоо

Жүдо бөх, байт харваа, ширээний теннис, усанд сэлэлт, буудлагын баг тамирчид болон МҮОХ, БТСУХ-ны удирдлагууд, хэвлэл мэдээллийнхэн нийлсэн 72 хүний бүрэлдэхүүнтэй баг өнөөдөр өглөө Токио хотыг зорьж байна. Токиог зорих хамгийн өргөн бүрэлдэхүүнтэй багийг Япон Улсаас Монгол Улсад суугаа Элчин сайд Кобаяаши Хироюүки үдэн гаргаж өгчээ.

Мөн уг бүрэлдэхүүнд Монгол Улсын Ерөнхийлөгч асан Х.Баттулга багтжээ. Тэрбээр жүдогийн баг бүрэлдэхүүний хамт явж байгаа аж.

Сануулахад, Ерөнхийлөгч асан Х.Баттулга Монголын Жүдо бөхийн холбооны ерөнхийлөгчөөр ажиллаж байсан ба баг, тамирчдаа дэмжихээр ийнхүү Токио хотыг зорилоо.