Энэ мэдээ хуучирсан буюу 2021/07/24-нд нийтлэгдсэн мэдээ болно.
ТОКИО-2020: М.Уранцэцэг олимпын наадмын ХҮРЭЛ МЕДАЛИЙН эзэн боллоо
Спорт
Г.ЛхагвадоржУнших: 1 мин
70
Токио 2020 олимпын наадмын жүдо бөхийн төрлийн эмэгтэйчүүдийн 48 кг-ийн жингийн медалийн төлөөх барилдаан үргэлжилж байна.
Манай жүдоч Хөдөлмөрийн баатар М.Уранцэцэг дөнгөж сая хүрэл медалийн төлөө Португалийн жүдоч Катирина Коштатай барилдаж ялалт байгуулж, Монголын багийн энэ удаагийн олимпын наадмын медалийн салхийг хагаллаа.
Ийнхүү Хөдөлмөрийн баатар М.Уранцэцэг олимп, дэлхийн медальтан болж медалийн цуглуулгаа нэмж байна. Тэрбээр, дэлхийн аваргаас нэг алт, нэг мөнгө, хоёр хүрэл медаль хүртээд байсан юм. Тэгвэл өнөөдөр гурван олимпод оролцсон ч авч чадаагүй байсан медалиа хүртэж тамирчин бүрийн хүрч чаддаггүй бас нэгэн тод амжилтын эзэн болж чадлаа.
Хөдөлмөрийн баатар М.Уранцэцэгт нийт монголчуудынхаа өмнөөс халуун баяр хүргэе.
Г.Лхагваа
