ТОКИО 2020: МҮОХ-ны удирдлагууд олимпоос медаль хүртсэн тамирчиддаа хүндэтгэл үзүүллээ

Хүн төрөлхтний эв найрамдлын илэрхийлэл Токио 2020 зуны олимп эхлээд долоо хонож байна. Манай улс хоёр хүрэл, нэг мөнгөн медаль хүртээд байгаа юм.

Тэгвэл МҮОХ-ны Ерөнхийлөгчийн үүрэг гүйцэтгэгч Ч.Наранбаатар, Тэргүүн дэд ерөнхийлөгч, ОУОХ-ны гишүүн, Токио-2020 Монголын багийн ахлагч Б.Баттүшиг, Ерөнхий нарийн бичгийн дарга, Олимпын аварга Э.Бадар-Ууган нар Токио-2020 Олимпын мөнгөн медальт Саид Моллай, хүрэл медальт Ц.Цогтбаатар нарт хүндэтгэл үзүүллээ.

МҮОХ-ны удирдлагууд Олимпын тавцанд Монгол улсынхаа нэрийг цуурайтуулсан шинэхэн медальтнууддаа талархал илэрхийлж, цаашдын спортын замнал нь улам их амжилтаар дүүрэн байхыг хүсэн ерөөв.