Ц.Нямдорж: Гишүүд хүнд нөхцөлд ажиллаж байгаа сайд нарыг загинахаа боль

УИХ-ын чуулганы өнөөдрийн нэгдсэн хуралдааны үеэр УИХ-ын гишүүд сайд нарт шүүмжлэлтэй хандсан. Өөрөөр хэлбэл, Засгийн газраас оруулж ирсэн бодлогын асуудлуудад "аллерги"-тай хандсан юм. Чуулганаар хэлэлцэж буй асуудлын үеэр ЗГХЭГ-ын дарга Ц.Нямдорж дараах байр суурийг илэрхийлэв. Тэрбээр "Хүнд хэцүү нөхцөлд ажиллаж байгаа Засгийн газрын гишүүдийг УИХ-ын гишүүд хэтэрхий загнадгаа больчих хэрэгтэй. Зарим нь үргэлж л загнаж байх юм. Ингэж өдөр болгон хүн загнаж байгаа юм үзээгүй шүү дээ" гэв.