С.Эрдэнэ: Л.Гантөмөр анх бүртгүүлэхдээ бүрдүүлэх баримтдаа улсын бүртгэлийн гэрчилгээний эх хувийг өгөх ёстой байсан

Улсын дээд шүүхийн Захиргааны хэргийн танхимын нийт шүүгчийн хуралдаан өчигдөр /2023.03.07/ болж, Ардчилсан намын дарга Л.Гантөмөр, Ерөнхий нарийн бичгийн дарга Ч.Өнөрбаяр нараас ирүүлсэн хүсэлтийг хэлэлцэн “... намын улсын бүртгэлийн гэрчилгээг ашиглах боломжгүй хаяж үрэгдүүлсэн” гэх үндэслэлээр улсын бүртгэлийн гэрчилгээг дахин олгох боломжгүй гэж үзсэн.

Тэгвэл эл асуудалд С.Эрдэнэ өөрийн байр сууриа твиттер хуудсаараа дамжуулан илэрхийлжээ. Тодруулбал, "Дээд шүүхээс Л.Гантөмөрт улсын бүртгэлийн гэрчилгээг дахин олгох боломжгүй гэсэн шийдвар гаргасан байна. Л.Гантөмөр анх бүртгүүлэхдээ бүрдүүлэх баримтдаа улсын бүртгэлийн гэрчилгээний хувийг эх хувиар нь өгөх ёстой байсан. Хууль ёсны АН-ын тамга гэрчилгээ хурлын протокол аль нь ч Дээд шүүх дээр очоогүй" хэмээжээ.

Дээд шүүхээс Л.Гантөмөрт УБГэрчилгээг дахин олгох боломжгүй гэсэн шийдвар гаргасан байна! Л.Гантөмөр анх бүртгүүлэхдээ бүрдүүлэх баримтандаа УБГэрчилгээний хувийг эх хувиар нь өгөх ёстой байсан! Хууль ёсны АН-ын тамга гэрчилгээ хурлын протокол аль нь ч Дээд шүүх дээр очоогүй?!!

— С.Эрдэнэ (@serdenemn) March 8, 2023