Энэ мэдээ хуучирсан буюу 2023/03/21-нд нийтлэгдсэн мэдээ болно.
С.Цэрэнчимэд: Монголын гаалийн шинжилгээг БНХАУ-д ХҮЛЭЭН ЗӨВШӨӨРДӨГ болсон
20
Өнөөдөр ГЕГ-аас цаг үеийн асуудлаар мэдээлэл хийлээ. Гаалийн төв лабораторийн дарга С.Цэрэнчимэд "Гаалийн төв лаборатори нь БНХАУ-ын итгэмжлэлийн байгууллагаас уул уурхай, хүдэр баяжмал, нүүрс, газрын тосны бүтээгдэхүүний шинжилгээний чиглэлээр нийт 7 нэр төрлийн бүтээгдэхүүнд 34 үзүүлэлтээр зургаан жилийн хугацаатай итгэмжлэгдсэн гэрчилгээгээ авсан.
БНХАУ нь манай гадаад худалдааны гол харилцагч, экспортын барааны 90 гаруй хувийг эзэлдэг улс. Ингэснээр БНХАУ-д Монголын гаалийн шинжилгээг бүрэн хүлээн зөвшөөрдөг болж байгаа юм.
Бидний хувьд жилээс жилд БНХАУ-ын итгэмжлэлийн хүрээг өргөтгөх, цаашлаад салбар лабораториудаа ОУ-ын итгэмжлэлд хамруулах үндэс тавигдаж байна" гэлээ.
