Б.Жавхлан: Монгол Улсын нийт өр 34 тэрбум ам.доллар байгаагийн 2 тэрбум ам.доллар нь Монголбанкны өр

Хөгжлийн банкны "Самурай" бондын өрийг хугацаанд нь төлж барагдуулахтай холбоотой "өрийн дэвтэр"-т гарын үсэг зурж, Ерөнхий сайд Л.Оюун-Эрдэнэ хөрөнгө оруулагчдад хандаж мэдэгдэл хийх талаар бид мэдээлсэн. Энэ үеэр Сангийн сайд Б.Жавхлан "Монгол Улсын нийт өр 34 тэрбум доллар байна. Үүнээс Монголбанкны өр 2 тэрбум доллар, Засгийн газрын гадаад өр 7.9 тэрбум доллар, арилжааны банкууд гадаад зээллэг 1.6 тэрбум доллар, ААН-үүдийн гадаад зээллэг 22.5 тэрбум доллар байгаа юм. Засгийн газрын өр нийт өрийн 23 хувийг эзэлж байгаа боловч Засгийн газрын гадаад өр хэр чанартай сайн байна бусад өр нь чанартай байна. Хэрвээ муудвал дагаад мууддаг" гэлээ.