О.Номинчимэг: Нэр бүхий УИХ-ын гишүүд иргэд буутай болох тухай ярьж, сурталчилах боллоо. Үүнийг хэрхэвч зөвшөөрч болохгүй

Өнгөрсөн долоо хоногт болсон УИХ-ын Аюулгүй байдал, гадаад бодлогын байнгын хорооны хуралдааны үеэр УИХ-ын гишүүн О.Амгаланбаатар иргэдийг зэвсэгжүүлэх талаар санал гаргаж, байр сууриа илэрхийлсэн байдаг.

Тэгвэл УИХ-ын гишүүн О.Номинчимэг дээрх асуудалтай холбогдуулан байр сууриа илэрхийлжээ. Тэрбээр "Саяхнаас нэр бүхий УИХ-ын гишүүд, улс төрийн намын гишүүд иргэд буутай болох ёстой гэх мэт асуудлыг ил цагаан ярьж сурталчилах болжээ. Ямар зорилготой, хэний бизнесийг дэмжих гээд байгаа нь ил тодорхой шүү. Ийм зүйлийг хэрхэв ч зөвшөөрч болохгүй" гэжээ.