2025 оны төсвийн зардлыг 3.6 их наядаар бууруулах шаардлагад Н.Номтойбаяр, Д.Пүрэвдаваа нарын гишүүд нэгдээд байна

2025 оны төсвийн урсгал зардлыг 3.6 их наядаар бууруулах шаардлагыг Ерөнхий сайд Л.Оюун-Эрдэнэд хүргүүлж буйгаа нэр бүхий 4 гишүүн мэдэгдсэн.

УИХ-ын гишүүн Д.Энхтүвшин, Б.Түвшин, Ж.Баярмаа, Г.Тэмүүлэн нарын санаачилсан энэхүү шаардлагад өнөөдрийн байдлаар Д.Цогтбаатар, А.Ундраа, Ш.Бямбасүрэн, Н.Алтанхуяг, М.Сарнай, Г.Уянгахишиг, Д.Пүрэвдаваа, Н.Номтойбаяр нэгдэж, гарын үсгээ зураад байна.

Шаардлагын хариуг энэ сарын 8-ны дотор ирүүлэхийг мэдэгдээд буй. Харин энэ цаг мөчид Ерөнхий сайд Л.Оюун-Эрдэнэ Засгийн газрын зарим сайд нарын хамтаар Шанхай хотноо ажиллаж байгаа билээ.