Г.Дамдиням: Яам нь нүүж дуусаагүй шахуу байхад харьяа сангуудын газар, үл хөдлөх хөрөнгүүдийг зарах ажил эхэлж байгаа нь сэжигтэй байна

ХХААХҮЯ Дархан хот руу нүүх ажил эд дундаа орж буй. Тэгвэл тус яамны ажилчид, алба хаагчдийн орон байр, ажиллах нөхцөл, цалингийн нэмэгдлийн асуудал ирэх оны төсөв хэлэлцэгдэж буй эдгээр өдрүүдэд нэлээд яригдаж, зарим гишүүдийн шүүмжлэлтэй тулж буй.

Тодруулбал, УИХын гишүүн Г.Дамдинням "ХХААХҮЯ-ыг Дархан руу нүүлгэж байгаа асуудал нь өөрөө Үндсэн хууль зөрчсөн зүйл. Яам нь нүүж дуусаагүй байхад шууд л яамны харьяа сангуудын газар, үл хөдлөх хөрөнгүүдийг зарах (хусах) ажил эхэлж байгаа нь их сэжигтэй. Төсвийн мөнгөөр л боссон газар, үл хөдлөхүүд байгаа. Дарханд хэний л барилгыг авах гэж байгаа бол...Үндсэн хуулийн зөрчилтэй гээд энэ яам буцаад Улаанбаатарт ирэхэд орох орон, буух газаргүй болсон байх нь дээ. Төрийн өмч, Газар, Сангийн зээлэнд яасан ч дуртай юм бэ дээ" гэв.