Ж.Баярмаа: Сөрөг хүчний гишүүн нь эрх баригчаа шүүмжилж, эсэргүүцэж болдоггүй парламент, ардчилал гэж байдаг юм уу
Ерөнхий сайд Л.Оюун-Эрдэнийг огцруулах УИХ-ын гишүүн Ч.Лодойсамбуугийн саналд Ж.Баярмаа нэгдэж, хамгийн түрүүнд гарын үсгээ зурсан. Гэвч үүний дараа Ардчилсан намын дарга Л.Гантөмөр "Дээрх хоёр гишүүнд хариуцлага тооцох асуудлыг ярина" гэж мэдэгдсэн.
Тэгвэл УИХ-ын гишүүн Ж.Баярмаа "Сөрөг хүчний гишүүн нь эрх баригчаа шүүмжилж, эсэргүүцэж болдоггүй парламент, ардчилал гэж байдаг юм уу. Дахин хэлэхэд Ц.Элбэгдорж, Ж.Оджаргал захирал нартай ямар ч холбоогүй. Эдгээр хүмүүстэй холбохоор Ерөнхий сайд маань бяцхан тайвширдаг юм болов уу. Намайг болон миний гэр бүлийг элдвээр цоллож бичих, харлуулах, дарамтлах гэсэн эрх баригчдын бүх оролдлогоос айх шалтгаан надад байхгүй.
Цор ганц үнэн гэвэл би “Монголын амьдрал сайхан байна, Л.Оюун-Эрдэнэ ЗГХЭГ-ын даргаар 2 жил, Ерөнхий сайдаар 4 дэх жилдээ гайхамшигтай ажиллаж, мундаг удирдаж буй тул АН сүүлийн 10-аад жил цөөнх байхдаа “гацаагаад” байсан мега төслүүд хөдөлж, ард иргэдийн амьдрал сайжирч, Монголын бүх үзүүлэлт өсөж байна…” гэж нулимс унагааж, бялдуучлах хүмүүжилгүй" гэж байр сууриа илэрхийллээ.
