Төрийн шагналт, МУСГЗ Ш.Гүрбазарт зориулсан хандивын тоглолт энэ сарын 22-нд болно

Монгол Улсын Төрийн шагналт, Соёлын гавьяат зүтгэлтэн, сэтгүүлч Ш.Гүрбазар элэгний хорт хавдартай гэж оношлогдон, Герман Улсад эмчилгээ хийлгэж эхэлсэн талаар бид мэдээлсэн билээ.

Тэгвэл түүний эмчилгээний зардал, сэтгэлд нь дэм болох үүднээс "Монголоороо гоёдог" хандивын тоглолтыг зохион байгуулах гэж байна. Тоглолт энэ сарын 22 буюу ирэх бямба гарагийн 18.00 цагт "UB PALACE"-ын концертын их танхимд болох аж.

Тоглолтын тасалбарыг ticket.mn-ээс худалдан авах юм байна.