“Ноорог.мн-тэй холбоотой асуудал бол шинэ үе үзэл бодлоо чөлөөтэй илэрхийлэх зоригтойгоо үлдэх үү, үгүй юу гэдэг л асуудал“

УИХ-ын Хууль зүйн байнгын хороо хуралдаж, "Ноорог" медиагийн ажилчдад үүссэн асуудлын талаар ХЗДХ-ийн сайд О.Алтангэрэлийн мэдээллийг сонслоо.

Энэ үеэр УИХ-ын гишүүн Г.Дамдинням "Ноорог.мн-тэй холбоотой асуудал бол шинэ үе үзэл бодлоо чөлөөтэй илэрхийлэх зоригтойгоо үлдэх үү, үгүй юу гэдэг л асуудал. Хүн нь байвал ял нь байдаг юм аа гэдэг байдлаар хандаж, нэгдлийн улаан бух царайлахаа болиорой. Ийм ХЗДХ-ийн сайд, ийм цагдаагийн байгууллага гэж юу байдаг юм" гэв.