“Эх дэлхийн өдөр“-өөр Хомын талд тахь унагалжээ

"Эх дэлхийн өдөр"-өөр, Хомын талын Байгалийн цогцолборт газрын нутаг дэвсгэр, Сээрийн нуруунд нутагшуулж буй тахийн сүрэгт энэ жилийн анхны унага гарчээ. Тодруулж хэлбэл, өчигдөр буюу 2025 оны дөрөвдүгээр сарын 22-ны өдөр Хомын талд тахь унагалсан байна.

Шинэхэн унага нь “Сарны гэрэл” нэртэй азарганы сүрэгт хамаарах "Moonrider" нэртэй гүүнээс гарсан эр унага бөгөөд "Moonrider"-ийн Хомын талд гаргасан тав дахь унага болж буй аж.